كلمة وفنجان قهوة

فكرتي قبل كدة إن في فرق بين العيش والحياة يعني إنك تعيشي حياة ولا تحيي حياة هقولك العيش هو إنك تمارسي أفعال وأنشطة زي الأكل والشرب والنوم وتتكيفي مع كل ظروف حياتك يعني تجاملي ساعات وتنافقي ساعات عشان مصلحتك الشخصية وساعات بتحسي بالكبت والظلم والقهر وتسكتي فيجيلك أمراض نتيجة الضغوطات النفسية اللي إنتي عايشة بيها ما الأمراض بتيجي اغلبها من الضغط النفسي وكتم المشاعر والتفكير السلبي كل ده بيسبب أمراض كتيرة.  والحياة بئا هي إنك تتأملي كل حاجة حواليكي وتركزي معاها يعني تستنشقي نسمة الصبح بهدوء تتأملي في الحدائق والأشجار والزهور واللون الأخضر في الطبيعة تستمتعي بأشعة الشمس وصوت العصافير تستمتعي بفنجان القهوة بتاعك وتشمي ريحة القهوة تحاولي تشوفي جوانب مضيئة في حياتك تدي للناس حب عشان تاخدي منهم حب تعملي كل ده من غير مصالح مادية أو شخصية تعملي كل ده لله وتكون دي نيتك هو ده الفرق بين العيش والحياة فكري بئا انتي تعيشي ام تحيي. 🌿🌼