اتخلصي من الكراكيب
في حياتنا كراكيب كتير والكراكيب دي بتكون حمل تقيل علينا وإحنا مش عارفين وعشان تحسي بالهدوء والراحة اتخلصي من كل حاجة حسة إنها مسببالك حمل تقيل والكراكيب ممكن تكون كراكيب موجودة في البيت حاجات كتير إنتي مش عايزاها ومش محتاجاها ومش بتستخدميها وبيعدي عليها سنين وإنتي محتفظة بيها على أساس إنها هتنفعك بعد كدة زي الهدوم، والأجهزة الكهربائية، والكتب، والورق وممكن تكون الكراكيب موجودة على موبايلك زي الصفحات اللي على فيس بوك اللي بتسببلك توتر وقلق وأخبار سلبية وحاجات تعصبك وقنوات اليوتيوب إللي مش من اهتمامك أصلاً ومشتركة فيها وخلاص اتخلصي من كل ده إعملي بلوك لكل حاجة بتضايقك سلامك النفسي أهم من كل شئ تابعي بس الصفحات والقنوات اللي هتنفعك واللي هتستفيدي منها وهتخليكي نسخة أفضل من نفسك وقتك مهم جداً مضيعهوش في حاجات مش هتفيدك تابعي ناس لها نفس إهتماماتك تابعي ناس ناجحة في حياتها واتعلمي منهم عشان يشجعوكي عشان تكوني ناجحة في حياتك إنتي كمان وفي ناس كتير جداً على اليوتيوب والفيس بوك محتواهم مفيد جداً دوري بس وإنتي هتلاقي. ❤️✌️