دوري على ناس لها نفس إهتماماتك ✋❤️

أكيد هتلاقي ناس تحبطك وناس سلبية في حياتك بتعطلك وبتقلل من جهدك دايماً حتى لو شيفينك ناجحة لو قابلتي الشخصيات دي في حياتك وطبعاً كلنا عندنا الشخصيات اللي من النوع ده اوعي تتأثري بكلامهم وإدعمي نفسك وحوطي نفسك بالناس الإيجابيين بس حتى لو هتلاقيهم على السوشيال ميديا دوري على اليوتيوب وعلى وسائل التواصل الاجتماعي على الناس الناجحة الإيجابية وتابعيهم وخليهم مصدر طاقة ليكي،في سورة الكهف في آية قرآنية يقول الله عز وجل "وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا " فكرتي قبل كدة في معنى الآية؟ الله عز وجل يقول إن الإنسان يكون دايماً مع الناس إللي بتشجعه وتشدة دايماً لفعل الخير ممكن الناس دول يكونوا أصحاب،أقارب،اي حد يكون معاكي ويشجعك لعمل الخير ولو ملقتيش الناس دول في حياتك زي ما قلتلك دوري عليهم في اليوتيوب أو وسائل التواصل الاجتماعي دوري على الناس اللي شبهك ولها نفس إهتماماتك دي حاجة هتساعدك جداً وتديكي ثقة كل لما تفقدي ثقتك في نفسك أو تفقدي شغفك شوفيهم وإسماعيهم.