💛قانون الظن💛
"قانون الظن"
في ناس عارفينهم في حياتنا بتحصل لهم مشاكل ومصايب كتيرة وفي ناس تانية بتعيش في سلام، وناس بتفشل في تحقيق أحلامها وناس تانية بتنجح، وناس تانية بيتأخر رزقها وناس ربنا بيرزقها من وسع من حيث لا يحتسبوا ليه بيحصل كدة؟ تعالي أقولك.
في حديث قدسي يقول الله عز وجل:
"أنا عند ظن عبدي بي" يعني لما تتوقعي إن حياتك هتكون حلوة وهتنجحي وهتستمتعي بحياتك وهتسمعي أخبار حلوة فربنا هيحققلك إللى إنتي عايزاه "وعلى نياتكم ترزقون"
هو ده حسن الظن بالله، ولو كنتي موسوسة دايماً بتفكري إن هيحصلك حاجة وحشة ومشكلة في حياتك وحياتك كلها نكد اتأكدي إن هيحصلك كل إللي إنتي بتفكري فيه لأن ده هو "سوء الظن " متقوليش إنك خارقة وعندك الحسه السادسة وتقولي والله أنا حسيت إني هيحصلي كدة لأن الله عز وجل قال:"والظانين بالله ظن السوء عليهم دائرة السوء"
فحاولي دايماً تحسني الظن بالله لأن الخير من الله والشر من أنفسنا.
تعليقات
إرسال تعليق